Baş xəbərDünya

26 Avropa İttifaqına üzv ölkədən Netanyahuya “dayan” çağırışı

Avropa Birliyinə üzv olan 26 ölkənin xarici işlər nazirləri bu gün səhər saatlarında İsrailin Qəzza zolağının cənubundakı Rəfah şəhərinə təxliyə əmrinə reaksiya verən birgə bəyanat yayıb. Xarici işlər nazirləri İsrailin baş naziri Benyamin Netanyahunu hücumu davam etdirməməyə çağırıb. Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell, İsrailin Rəfaha qurudan hücumundan əl çəkməli olduğunu, Aİ və beynəlxalq ictimaiyyətin belə bir ssenarinin qarşısını almaq üçün hərəkətə keçməli olduğunu vurğulayıb.

Bu gün səhər saatlarında İsrail Qəzza zolağının cənubundakı Rəfah şəhərinin şərqinə evakuasiya əmri verib.

İsrailin bombardmanlarından qaçaraq bölgəyə sığınan mülki vətəndaşların cənubdakı Xan Yunus şəhəri və əl-Məvasi bölgəsindəki düşərgələrə getmələrini xahiş edən İsrailə dərhal reaksiya verilib.

Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell öz bəyanatında deyib: “Atəşkəs məhbusları xilas etmək və aclıq çəkən mülki şəxslərə yardım göstərmək üçün təcilidir”.

İsrailin Rəfaha qurudan hücumundan əl çəkməli olduğunu deyən Borrell, Aİ və beynəlxalq ictimaiyyətin belə bir ssenarinin qarşısını almaq üçün hərəkətə keçə və görməli olduğunu bildirib.

 “İsrailin Rafahdakı mülki şəxslər üçün evakuasiya əmri ən pisdən xəbər verir: daha çox müharibə və aclıq”, – Borrell sosial media platforması X-də paylaşım edib.

Avropa Komissiyasının sədri Ursula fon der Leyen verdiyi açıqlamada İsrailin Rəfaha hücumunun “tamamilə qəbuledilməz” olacağını bildirib.

Avropa İttifaqına üzv 26 ölkənin xarici işlər nazirlərinin yaydığı birgə bəyanatda İsrailin baş naziri Benyamin Netanyahu hücumu davam etdirməməyə çağırılıb və bunun “onsuz da fəlakətli humanitar vəziyyəti daha da ağırlaşdıracağını” bildirib.

Birləşmiş Millətlər Təşkilatının (BMT) baş katibi Antonio Guterres, Rəfaha hücumların Qəzza zolağında humanitar yardım əməliyyatları üçün “tabuta son mismar vuracağını” söylədi.

BMT-nin Humanitar Məsələlər üzrə Koordinasiya Ofisindən verilən açıqlamada, Rəfahda sığınan 1 milyondan çox məcburi köçkün fələstinli üçün “hər hansı quru əməliyyatının daha çox əzab və ölümlə nəticələnəcəyi” bildirilib.

Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər İdarəsi (UNRWA) tərəfindən Rəfəhə hücumun nəticələrinə qarşı xəbərdarlıqların yer aldığı açıqlamada, “UNRWA boşaldılmır. Agentlik Rəfahdakı mövcudluğunu mümkün qədər uzun müddət davam etdirəcək və insanlara həyati xilasedici yardım göstərməyə davam edəcək” deyib.

Mənbə: Ntv.Tr

Aynur Camal

Oxşar xəbərlər

İlham Əliyev Bərdədə Qarabağ Regional DOST Mərkəzinin və Qarabağ Regional Peşə Hazırlığı Mərkəzinin açılışında iştirak edib

Bugün TV

Oğurluq əməlində şübhəli bilinənlər saxlanıldı

Kəmalə Sultan

“Vətən deyəndə” adlı şeir müsabiqəsi keçirildi

İntizar Əmirova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu