Bugun.tv-nin xarici KİV-dən əldə etdiyi məlumata görə, İslam Əməkdaşlıq Təşkilatı (İƏT) Xarici İşlər Nazirləri Şurası Azərbaycanın İrandakı səfirliyinə hücum törədənləri məsuliyyətə cəlb etməyə çağırıb.
Məlumatda bildirilib ki, 57 ölkənin daxil olduğu İƏT-nin Nazirlər Şurası tərəfindən qəbul edilmiş “Tehrandakı Azərbaycan Respublikasının Səfirliyinə qarşı hücum” adlı qətnamədə İƏT-yə üzv dövlətlər tərəfindən 27 yanvar 2023-cü il tarixində Azərbaycanın Tehrandakı səfirliyinə qarşı ölümlə nəticələnən silahlı hücum qəti şəkildə pislənir, İran hökuməti baş vermiş hücumu hərtərəfli araşdırmağa, hücumu törədənləri cinayət məsuliyyətinə cəlb etməyə və Diplomatik Əlaqələr haqqında 1961-ci il Vyana Konvensiyasına uyğun olaraq Azərbaycanın İranın ərazisində olan diplomatik nümayəndəliklərinin mühafizəsini təmin etməyə çağırılır.