Bugun.tv xəbər verir ki, Muşda zəncirvari yol qəzası baş verib. 6 avtomobilin iştirakı ilə baş verən qəzada 3 nəfər həlak olub, 4-ü ağır olmaqla 8 nəfər yaralanıb.
Hadisə Muş-Bingöl yolunun 8-ci kilometrliyində, Kıyık kəndi yaxınlığında baş verib. Zəncirvari yol qəzasından sonra hadisə yerinə həkim, polis və xilasetmə qrupları cəlb edilib.
Qəzada Sezgin Karakuş, Alican Çiçək və Ferman Uçar həyatını itirib, 4-ü ağır olmaqla 8 nəfər yaralanıb. Yaralılar təcili yardım maşınları ilə Muş Dövlət Xəstəxanasına aparılıb.
Hərəkətin idarə olunduğu yolda qəzaya uğrayan avtomobillər evakuatorun köməkliyi ilə çıxarılıb.