Ukraynanın Odessa, Xarkov, Rivne və Lutsk şəhərlərində güclü partlayışlar baş verib. Ukraynanın energetika naziri Herman Haluşenko Rusiya qüvvələrinin ölkənin enerji infrastrukturuna böyük hücuma keçdiyini bəyan edib. Rusiya-Ukrayna müharibəsinin üçüncü ili yaxınlaşdıqca müharibə bütün şiddəti ilə davam edir. Ukraynanın Odessa, Xarkov, Rivne və Lutsk şəhərlərində şiddətli partlayışlar baş verərkən, Ukraynanın energetika naziri Herman Haluşenko Rusiya qüvvələrinin ölkənin enerji infrastrukturuna böyük hücuma keçdiyini bəyan edib.
Enerji obyektlərinə hücumların Ukraynanın hər yerində həyata keçirildiyini deyən Haluşenko elektrik enerjisində fasilələr olduğunu bildirib. Haluşenko ukraynalıları “sığınacaqlara getməyə” çağırıb.
1 YARALI
Xarkov meri İqor Terexov şəhərdə mülki yaşayış məntəqəsinin bombalandığını bildirərkən, Lutsk meri İqor Polişçuk çoxsaylı partlayış səslərinin eşidildiyini və şəhərin bir hissəsində elektrik enerjisinin kəsildiyini bildirib.
Odessa vilayətinin qubernatoru Oleh Kiper də Rusiyanın hücumu nəticəsində bir nəfərin yaralandığını bildirib və bölgə sakinlərini sığınacaqlarda qalmağa çağırıb.
Ukrayna Hərbi Hava Qüvvələri raket təhlükəsi ilə əlaqədar bütün ölkə ərazisində, xüsusilə Kiyev, Rivne, Vinnitsa, Kropivnitski, Balta və Nikolayvda “hava hücumu xəbərdarlığı” edib.
Mənbə: TGRT