“Liverpul”un hücumçusu Mohamed Salah İngiltərə Premyer Liqasında daha çox oyunda qol vurub və məhsuldar ötürmə edib.
Bu barədə Squawka məlumat yayıb.
Mənbənin sözlərinə görə, Salahın indiyədək iki və ya daha çox təsirli hərəkət etdiyi 37 matç var (ən azı 1 qol və 1 məhsuldar ötürmə). Əvvəllər bu göstərici üzrə rekord “Everton”un və “Mançester Yunayted”in sabiq hücumçusu Ueyn Runiyə məxsus idi. Salahın ingilisdən 214 az oyun keçirməsi diqqət çəkir. Xatırladaq ki, “Liverpul” Premyer Liqanın 14-cü turu çərçivəsində səfərdə “Nyukasl Yunayted”lə 3:3 hesabı ilə heç-heçə edib. Salah bu görüşdə dubl edib və məhsuldar ötürmə edib.
Bu mövsüm Salah klubda bütün turnirlərdə 21 oyun keçirib, 15 qol vurub və 12 məhsuldar ötürmə edib. Misirlinin klubla müqaviləsi 2025-ci ilin yayında başa çatır.
Mənbə: mail.ru