Dünyanın ən aktiv vulkanlarından biri kimi tanınan Havayda Kilauea vulkanında partlayış baş verib. Vulkanın püskürdüyü lavanın 80 metr hündürlüyə çatdığı, vulkan qazı və kül buludlarının əmələ gəldiyi açıqlanıb. ABŞ-ın Havay adasında yerləşən və dünyanın ən aktiv vulkanlarından biri kimi tanınan Kilauea vulkanı yenidən aktivləşib.
Havay Vulkan Rəsədxanasından verilən açıqlamaya görə, yerli vaxtla saat 02:00 radələrində Kilauea vulkanında partlayış baş verib. Vulkanın püskürdüyü lavanın 80 metr hündürlüyə çatdığı, vulkan qazı və kül buludlarının əmələ gəldiyi açıqlanıb.
Partlayışın 2007-ci ildən ictimaiyyətə bağlı olan milli parkın sərhədləri daxilində baş verməsi mümkün fəlakətin qarşısını alıb.
1924-1952-ci illər arasındakı sakit dövr istisna olmaqla, müntəzəm vulkan püskürmələrinin baş verdiyi Kilauea vulkanı sonuncu dəfə iyun və sentyabr aylarında aktiv olub.
Kilauea vulkanının 2018-ci ildə təxminən 3 aya yaxın davam edən püskürmələri 700-dən çox evi dağıdıb.
Mənbə: İhlas Xəbər Agentliyi (İHA)