BMT Ukraynadakı müharibədən zərər çəkənlərə və ukraynalı qaçqınlara dəstək üçün 3,32 milyard dollar yardım istəyib.
Birləşmiş Millətlər Təşkilatının (BMT) Humanitar Məsələlərin Koordinasiyası İdarəsi (OCHA) və BMT-nin Qaçqınlar üzrə Ali Komissarlığı (UNHCR) 2025-ci il üçün “Ukrayna regional qaçqın və humanitar cavab planı”nı işə salıb. Dərc edilmiş hesabatda Ukraynada və sərhəddən kənarda böhrandan təsirlənən 8,2 milyon insanı dəstəkləmək üçün 2025-ci il üçün 3,32 milyard dollar yardım tələb olunur.
Hesabat 2025-ci ildə kritik humanitar səylərin davam etdirilməsi üçün beynəlxalq həmrəyliyin əhəmiyyətini çatdırır və bildirir ki, Ukraynadakı humanitar təşkilatlar 2025-ci ildə 6 milyon insana qida, səhiyyə, sığınacaq, pul yardımı, təhsil, müdafiə və fövqəladə hallarda digər mühüm xidmətlər göstərəcək.
Mənbə: HaberGlobal