Dünyanın ən aktiv vulkanlarından biri olan Havaydakı Kilauea vulkanı yenidən lava püskürüb. Kilauea vulkanı dekabrın 23-dən müntəzəm fasilələrlə aktivləşib.
Havay Vulkan Rəsədxanasından verilən yazılı açıqlamada, vulkanın yerli vaxtla saat 10.16 radələrində 9-cu dəfə təxminən 100 metrə qədər lava püskürdüyü və tüstünün səmaya qalxdığı qeyd edilib.
Vulkandakı fəaliyyətin Havay Vulkanları Milli Parkı daxilindəki zirvə kraterində baş verdiyi bildirilərkən, milli parkı ziyarət edənlərə təhlükəsizlik üçün qapalı ərazilərdən uzaq durmaları və zərərli qazlara qarşı diqqətli olmaları barədə xəbərdarlıq edilir.
Dünyanın ən aktiv vulkanlarından biri olan Kilauea 1983-cü ildən bəri püskürmələr yaşayır.
Mənbə: TrtHaber