Amerikalı turist İtaliyanın Roma şəhərindəki Kolizeydə selfi çəkmək üçün qaydaları pozaraq özünü məhəccərə dirəyərək yıxılıb. Turisti məhəccərdən xilas etmək 20 dəqiqə çəkib, onurğası deşilib və ona 80 tikiş atılıb.
Tayvanda yaşayan, lakin ABŞ vətəndaşı olan 47 yaşlı turist İtaliyanın paytaxtı Romada Kolizeyi ziyarət edərkən qaydanı pozub. Turist selfi çəkmək üçün Kolizey hasarına çıxıb. Özünü saxlaya bilməyən turist yıxılaraq barmaqlıqlara ilişib.
Məhəccərdən asılı vəziyyətdə huşunu itirənə qədər qışqıran turist üçün hadisə yerinə təcili tibbi yardım əməkdaşları gəlib. Amma turisti ilişib qaldığı məhəccərdən çıxarmaq tibb işçiləri üçün asan olmayıb. Turist 20 dəqiqəlik səydən sonra xəstəxanaya aparılıb. Turistin onurğa sütununun deşildiyi və ona 80 tikiş atılması lazım olduğu açıqlanıb.
İtaliyanın “Il Messaggero” qəzetinin yazdığına görə, turistin məqsədi gözəl mənzərə əldə etmək və selfi çəkmək olub. Beləliklə, o, Roma abidəsinin tağlarını əhatə edən məhəccərə dırmaşmışdı.
Mənbə: TgrtHaber