“Bu gün həyatımda olduqca mənalı və unudulmaz bir gündür. 25 il öncə, 2000-ci ilin iyul ayının 3-də Azərbaycan xalqının Ümummilli Lideri Heydər Əliyevin Avstriyaya etdiyi ilk rəsmi səfərində onun Azərbaycan və alman dilləri üzrə tərcüməçisi olmaq kimi şərəfli vəzifə mənə həvalə edilmişdi”.
Bugun.tv xəbər verir ki, bu barədə Azərbaycanın Almaniyadakı səfiri Nəsimi Ağayev öz Facebook səhifəsində paylaşıb.
Səfir həmçinin qeyd edib ki, üç gün davam edən səfər müddətində Avstriya tərəfi ilə müxtəlif görüşlər oldu. Hər bir görüşdə Heydər Əliyevin dərin zəkası, siyasi uzaqgörənliyi və sarsılmaz məntiqi qarşı tərəfdə böyük heyranlıq doğururdu. Onun çıxışları, verdiyi dəqiq və prinsipial cavablar, ölkəsinin maraqlarını nə qədər ustalıqla və qətiyyətlə müdafiə etməsi hamını valeh edirdi. O zaman 21 yaşı olan bir gənc diplomat üçün bu misilsiz bir təcrübə idi. Allah rəhmət eləsin!
