Xatırladaq ki, bir gün əvvəl Ukrayna Prezidenti Volodimir Zelenski Xəzər dənizində uzaqmənzilli zərbələr endirildiyini açıqlamış, Rusiyaya hərbi yük daşıyan İran gəmilərinin hədəf alındığını bildirmişdi. Həmin əməliyyatdan sonra İran sərt reaksiya veri
İran rəsmiləri Xəzər dənizində İran bayrağı altında üzən yük gəmisinə edilən hücumdan sonra Ukraynaya qarşı sərt bəyanatlar səsləndiriblər.
İranın Gilan vilayətinin qubernatoru Hadi Haq-Şenas bildirib ki, Həştərxandan Ənzəli limanına dəmir yükü daşıyan gəmiyə zərbə endirilməsi nəticəsində bir dənizçi həlak olub, üç ekipaj üzvü isə yaralanıb.
İran parlamentinin Milli Təhlükəsizlik Komissiyasının rəhbəri İbrahim Əzizi hücumun cavabsız qalmayacağını bildirib. Xarici işlər naziri Abbas Əraqçi də hadisəni beynəlxalq hüququn pozulması kimi qiymətləndirərək Ukraynaya xəbərdarlıq edib.
Ukrayna Prezidenti Volodimir Zelenski isə ölkəsinin Xəzər dənizində uzaqmənzilli əməliyyatlar həyata keçirdiyini təsdiqləyərək, Rusiyaya hərbi yüklər daşıyan İran gəmilərinin hədəf alındığını bildirib.
Bu hadisə ABŞ və İran arasında hərbi əməliyyatlarda nisbi fasilənin müşahidə olunduğu və diplomatik təmasların davam etdiyi dövrdə baş verib.
Mənbə: CNN