Bugun.tv -xəbər verir ki, Azərbaycanın görkəmli müğənnisi Mirzə Babayevin doğum günü münasibətilə araşdırmaçı jurnalist Anar Tağıyev öz sosial media hesabında məlumat paylaşıb.
O qeyd edib ki, bu gün memar, müğənni, aktyor Mirzə Babayevin (1913-2003) doğum günüdür. İkinci Dünya Müharibəsində döyüşüb, leytenant rütbəsi və orden-medallarla qayıdıb. Bakıda bir çox binaların, o cümlədən Nizami adına Ədəbiyyat muzeyinin, “Vətən” kinoteatrının layihə müəlliflərindəndir. Həyat yoldaşı Güllü xanım vaxtsız rəhmətə gedib. Mirzə Babayev onu o qədər çox sevirmiş ki, sonra evlənməyib. Xanımının şəklini isə həmişə üstündə gəzdirirmiş. “O olmasın, bu olsun” filmində Məşədi İbadın dilindən oxunan mahnıları Mirzə oxuyub. 40-a yaxın filmdə aktyor kimi iştirak edib.