Cənubi Koreyada leysan yağışlar üçüncü gündür ki, davam edir.
5000-dən çox insanı sığınacaqlara məcbur edən güclü yağışlar nəticəsində indiyədək ən azı dörd nəfər ölüb.
Xüsusilə ölkənin qərb və cənub bölgələrində yağan güclü yağışlar infrastruktura xeyli ziyan vurub.
Cənubi Koreya Meteorologiya Xidməti gözlənilən yağışların davam etməsi səbəbindən sürüşmə və daşqınlar barədə xəbərdarlıq edib.
Cənubi Koreyanın Təhlükəsizlik Nazirliyi ölkənin cənubundakı Qvanqju şəhərinin bəzi bölgələrinə rekord miqdarda yağış yağdığını və 24 saat ərzində 400 millimetrdən çox yağış yağdığını açıqlayıb.
Təhlükəsizlik Nazirliyinin məlumatına görə, indiyədək 4 nəfərin həyatına son qoyan güclü yağışlar nəticəsində bir nəfər itkin düşüb.
Nazirlik iki nəfərin sel suları altında qalan avtomobillərində sıxışıb qaldığını, ölkənin daxili bölgəsindəki Chungcheong şəhərində bir nəfərin isə sel suları ilə dolu zirzəmidə öldüyünü bildirdi.
Mənbə: İlkha