Rusiya prezidenti Vladimir Putin biznes nümayəndələri ilə görüşdən sonra Rusiya hökumətinə dost olmayan xarici ölkələrdə istehsal olunan proqram təminatının (o cümlədən rabitə xidmətlərinin) Rusiya Federasiyasında istifadəsinə əlavə məhdudiyyətlərin tətbiqi ilə bağlı təkliflər təqdim etməyi tapşırıb. Bu barədə Kremlin saytında məlumat verilib.
Məsul şəxs Rusiyanın baş naziri Mixail Mişustindir. Hökumət 2025-ci il sentyabrın 1-dək Rusiyada xarici xidmətlərin işini çətinləşdirmək üçün hansı məhdudiyyətlərin hazırlana biləcəyi ilə bağlı hesabat hazırlamalıdır.
“Vedomosti” yazır ki, rabitə xidmətləri dedikdə messencerləri nəzərdə tuturlar. WhatsApp Amerika Meta şirkətinə məxsusdur. Yəni dost olmayan ölkədir. Telegram-ın baş ofisi Rusiya üçün dost ölkə olan BƏƏ-də yerləşir.
Media etiraf edir ki, sentyabrın 1-dən sonra ən populyar iki messencer – WhatsApp və Telegram Rusiyada bloklana bilər. Lakin hakimiyyət bu məlumatı təsdiqləmir.
Mənbə: mail.ru