Bugun.tv “Reuters” agentliyinə istinadla xəbər verir ki, xəritəçəkənlərin fikrincə, naviqasiya üçün xəritələr tərtib edən kartoqraf Gerard Merkator tərəfindən təqribən 500 il əvvəl hazırlanmış proyeksiya qitə ölçülərini təhrif edir, Şimali Amerika və Qrenlandiya kimi qütblərə yaxın əraziləri şişirdir, eyni zamanda Afrika və Cənubi Amerikanı daraldır. Afrika İttifaqının sədr müavini Selma Malika Həddadi xəritənin təsirinin əhəmiyyətli olduğunu bildirib. “Bu, sadəcə bir xəritə kimi görünə bilər, amma əslində belə deyil”, – deyən Həddadi Merkatorun 54 dövlət və bir milyarddan çox əhalisi olan dünyanın ikinci ən böyük qitəsi olmasına baxmayaraq, Afrika haqqında yanlış təsəvvür yaratdığını vurğulayıb. O, belə stereotiplərin mediaya, təhsilə və siyasətə təsir etdiyini bildirib. Merkator xəritəsinin tənqid edilməsi yeni hal deyil, lakin “Africa Speak Up” təbliğat qrupunun rəhbərlik etdiyi “Xəritəni düzəlt” kampaniyası müzakirələri canlandıraraq təşkilatları ölkələrin həqiqi ölçülərini əks etdirməyə çalışan 2018-ci ilin Bərabər Yer proyeksiyasını qəbul etməyə çağırıb.
Afrika İttifaqı qitənin həqiqi ölçüsünü göstərən yeni dünya xəritəsini qəbul etməyə çağırır
