ABŞ Prezidenti Donald Tramp ölkəsinin Hormuz boğazı üzərində “tam nəzarətə” sahib olduğunu açıqlayıb.
TRT Haber-in məlumatına görə, Tramp sosial şəbəkədəki paylaşımında belə yazıb: “ABŞ Hormuz boğazı üzərində tam nəzarətə sahibdir. Bunun belə davam edəcəyini düşünürəm”.
O, ABŞ-ın boğazdakı blokadasını hər kəsin “polad divar” kimi qiymətləndirdiyini və İranın bu məsələdə edə biləcəyi heç bir şey olmadığını iddia edib. Tramp qeyd edib: “Onların donanması yoxdur, hava qüvvələri yoxdur, qalan əsgərlərinə maaş ödənilmir. İnqilab Keşikçiləri Ordusu darmadağın edilib və qaçırlar. Rəhbərliyi qeyri-müəyyəndir. Pulları yoxdur. Ölkələri vurulur”.
İranın əlində qalan yeganə şeyin “yalançı mətbuat” və “300 faiz” inflyasiya olduğunu deyən Tramp, ölkənin daha da pisləşdiyini bildirib.
ABŞ Prezidenti sözünün sonunda “İran yalnız danışır, icra yoxdur. Onlar artıq Yaxın Şərqin zorbası deyillər” deyə əlavə edib.
Mənbə: TRT Haber