Bugun.tv Sinxua agentliyinə istinadla xəbər verir ki, onun sözlərinə görə, ötən il Çin ŞƏT-ə üzv ölkələrdən təxminən 90 milyard dollar dəyərində xam neft, təbii qaz və kömür, o cümlədən 13,66 milyard dollarlıq kənd təsərrüfatı məhsulları idxal edib. Lin Ji qeyd edib ki, 2024-cü ildə ŞƏT-ə üzv olan digər ölkələrdən enerji idxalı Çinin ümumi idxalının təxminən beşdəbirini təşkil edib. Çin Ticarət Nazirliyinin Xarici İnvestisiyalar və İqtisadi Əməkdaşlıq Departamentinin rəhbəri Jan Li deyib: “Çin və digər ŞƏT-ə üzv ölkələr arasında investisiya və sənaye əməkdaşlığı son illərdə davamlı inkişaf nümayiş etdirib” O əlavə edib ki, son illərdə Çin müəssisələri həmin ölkələrdə 3 mindən çox şirkət yaradıb və hər il orta hesabla 200 mindən artıq iş yeri açıb.