Bugun.tv –xəbər verir ki, tanınmış televiziya aparıcısı, kouç, özünüinkişaf üzrə təlimçi, mütəxəssis Fidan Əliheydər növbəti kitabının təqdimat mərasimini keçirib.
O, bu barədə sosial şəbəkə hesablarında məlumat yayıb.
“Nəhayət, 6 ildən sonra 2-ci mənəvi inkişaf kitabım “Dəyişmə!” çap olundu. Dünən yaxınlarım və dostlarımın iştirakı ilə musiqili, səmimi söhbət formatında ilk təqdimat mərasimi keçirildi. Mənə görə xoş gün dostu çox önəmlidir. Başqasının uğuruna sevinəni Tanrı da sevindirər. İştirakınız, dəstəyiniz üçün təşəkkür edirəm”.
F.Əliheydər hər zaman ona inanıb, yanında olan ailə üzvlərinə də minnətdarlığını bildirdi.
Qeyd edək ki, bu yazarın sayca ikinci kitabıdır.
Onu da bildirək ki, 5 oktyabr, saat 12:00-da Bakı Ekspo Mərkəzində XI Bakı Beynəlxalq Kitab Sərgisində onun müəllifi olduğu hər iki nəşrin – “Dəyiş!” və “Dəyişmə!” kitablarının imza günü keçiriləcək.
