Misirdə keçirilən sülh sammitində prezident İlham Əliyevlə Donald Trampın görüşü olub.
Bu barədə öz sosial media hesabında şərh paylaşan politoloq Məhəmməd Əsədullazadə qeyd edib ki, Amerika Erməni Assambleyası daima Azərbaycanla Ermənistan arasında sülh müqaviləsinin bağlanmasına qarşı mövqe ortaya qoyub:
“8 avqustda da çalışdılar ki, paraflanma baş tutmasın. Xristian dini adından istifadə edilməsi Trampın dini dəyərlərə üstünlük verməsindən istifadə cəhdi idi. Göründüyü kimi, Donald Tramp buna getmədi. Hazırda da Erməni Assambleyası çalışır ki, prosesi pozsun”.