Moskvada jurnalistlərin suallarını cavablandıran Kremlin sözçüsü Dmitri Peskov Budapeşt sammitində Ukrayna ilə bağlı irəliləyişə ümid etdiklərini bildirib.
Rusiya və Ukrayna arasında müharibəyə son qoymaq üçün səylər davam edir.
Bu kontekstdə bütün diqqətlər Budapeştdə keçiriləcək Putin-Tramp sammitindədir.
Kremlin sözçüsü Dmitri Peskov Moskvada müxtəlif aktual mövzularla bağlı jurnalistlərin suallarını cavablandırıb.
“İrəliləyəcəyimizə Ümid edirik”
ABŞ prezidenti Donald Tramp və Rusiya prezidenti Vladimir Putin arasında Macarıstanın paytaxtı Budapeştdə keçirilməsi planlaşdırılan sammitdən danışan Peskov görüşün detallarının hələ müəyyən edilmədiyini bildirib.
Planlaşdırılan sammitdə ABŞ ilə ikitərəfli münasibətlərin və Ukrayna məsələsinin müzakirə ediləcəyini qeyd edən Peskov, “Zirvədə Ukrayna ilə bağlı sülh yolu ilə həll prosesində irəliləyişə nail olacağımıza ümid edirik” deyib.
Peskov Ukrayna ilə bağlı ABŞ ilə intensiv işlədiklərini ifadə edərək, “Ukrayna probleminin həlli ilə bağlı amerikalılarla ünsiyyətimizi davam etdiririk və intensiv iş davam edir” deyib.
Beynəlxalq mətbuatda Putin və Trampın telefon danışığında Ukrayna ilə torpaq mübadiləsini müzakirə etdiyinə dair iddialara gəlincə, Peskov, “Bu telefon danışığı ilə bağlı vermək istədiyimiz bütün məlumatları verdik. Əlavə deyəcək bir şeyimiz yoxdur” deyib.
Peskov Rusiya və İran arasındakı münasibətlərə də münasibət bildirib: “Biz İranla bütün sahələrdə əməkdaşlığı genişləndirməyə hazırıq. İran bizim tərəfdaşımızdır və əlaqələrimiz çox dinamik şəkildə inkişaf edir”.
Biz hesab edirik ki, tərəflər İranın nüvə proqramı ilə bağlı danışıqlar aparmalıdır. Təbii ki, bu məsələ ilə bağlı suveren ölkə olan İrana belə hədsiz təzyiqlər etmək üçün tutarlı səbəb yoxdur”.
Mənbə: EnSonHaber