Tunisin mərkəzindəki Mahdia şəhəri sahillərində miqrantları daşıyan qayığın batması nəticəsində aralarında uşaq və körpələr də daxil olmaqla ən azı 40 nəfər həyatını itirib.
Hadisə bu il Aralıq dənizində ən ölümcül dəniz qəzalarından birinə çevrilib.
Səlahiyyətlilərin bildirdiyinə görə, qəzaya uğrayan qayığın göyərtəsində təxminən 70 miqrant olub, onların hamısı Saharaaltı Afrika ölkələrindən olub.
Qəzanın səbəbi hələlik bəlli olmasa da, araşdırmalara başlanılıb.
Təbii fəlakət çərşənbə günü baş verib. Xilasetmə qrupları 30 nəfəri sağ-salamat xilas edib, digər sərnişinlərin cəsədləri isə çıxarılıb. Bölgədə axtarış-xilasetmə işləri davam edir.
Tunis səlahiyyətliləri qəza ilə bağlı təfərrüatların və qayığın hərəkət nöqtəsinin araşdırıldığını açıqlayıb.
Mənbə: İlkha