Bugun.tv– yə daxil olan məlumata əsasən, bu gün axşam saat 19:00-da Rəşid Behbudov adına Azərbaycan Dövlət Mahnı Teatrında tibb elmləri doktoru, professor İbadulla Ağayevin 75 illik yubileyi keçiriləcək.
Tədbir haqqında saytımıza xəbər verən həvəskar şair, həvəskar musiqiçi, bədii qiraət ustası, aparıcı, hərbi mütəxəssis və Vətən müharibəsi veteranı Cəbrayıl Qənbərin sözlərinə görə, yubiley tədbiri Dədə Ələsgər Ocağı İctimai Birliyi tərəfindən təşkil olunub.
Tədbirdə tanınmış aşıqlar, söz və sənət adamları, musiqiçilər iştirak edəcək. Xüsusi dəvətlilər sırasında olan bədii qiraət ustası, aparıcı, hərbi mütəxəssis və Vətən müharibəsi veteranı Cəbrayıl Qənbər həmçinin qeyd edib ki, proqramda əvvəl nəzərdə tutulmuş bəzi çıxışlar sıxlıq səbəbindən dəyişdirilib.