Çin Xalq Azadlıq Ordusu (PLA) Tayvan ətrafında genişmiqyaslı canlı atış hərbi təlimlərə başlayıb. Bu təlimlər “Justice Mission 2025” adı altında keçirilir və dəniz, hava və raket qüvvələri daxil olmaqla müxtəlif hərbi birləşmələr iştirak edir; məqsəd Tayvanın ayrılıq ideyalarını və xarici müdaxilələri “qətiyyətlə” dayandırmaq olduğunu bəyan edilir.
Çin ordusu simulyasiya edilmiş blokada və hədəf zərbələri ilə birlikdə adanı əhatə edərək manevrlər icra edir və təlim zonalarında gəmi və təyyarələrə xəbərdarlıq mesajları göndərib.
Tayvanın müdafiə nazirliyi bu təlimləri aqressiv və bölgədə sabitliyi pozan addım kimi pisləyib və öz ordusunun yüksək hazırlıqla cavab tədbirləri keçirdiyini bildirib. Prezident Administrasiyası və Müdafiə Nazirliyi Pekinin hərəkətlərini beynəlxalq hüquqa zidd sayaraq narahatlıq ifadə edib və öz suverenliyini qorumaq üçün “uyğun qüvvələrin” yerləşdirildiyini təsdiqləyib.
Bu hərbi təlimlər ABŞ tərəfindən Tayvana təxminən 11 milyard dollar dəyərində silah satışının təsdiqlənməsindən və Yaponiya kimi qonşu ölkələrin mümkün müdaxilə ehtimallarına dair açıqlamalardan sonraya təsadüf edir. Pekin Tayvanı “çoxdan itmiş bir əyalət” hesab edir və 2027-ci ilə qədər məcburi birləşməyi hədəflədiyini bildirir; Tayvan isə demokratik sistemini müdafiə etməyə və hərbi hazırlığını gücləndirməyə davam edir.
Mənbə: The Guardian