ABŞ Prezidenti Donald Tramp 20 yanvar 2025-ci ildə andiçmə mərasimindən sonra xarici siyasətdə daha sərt mövqe nümayiş etdirərək bir sıra ölkələri həm təhlükəsizlik, həm də iqtisadi səbəblərlə tənqid və təzyiq hədəfinə çevirib.
Bu yanaşma beynəlxalq aləmdə geniş müzakirələrə yol açıb və 2025-ci ilin dünya gündəmində əsas mövzulardan biri olub. Tramp administrasiyasının atdığı addımlar təkcə ikitərəfli münasibətlərə deyil, həmçinin bir sıra ölkələrin daxili siyasi proseslərinə və regional sabitliyə də təsir göstərib.
Kanada ilə münasibətlərdə gərginlik əsasən ticarət məsələləri və kəskin bəyanatlar fonunda artıb. Donald Tramp Kanada Baş naziri Castin Trüdo barədə səsləndirdiyi açıqlamalarla diqqət çəkib və ticarət danışıqlarının dayandırılacağını, gömrük rüsumlarının artırılacağını bəyan edib. Bununla yanaşı, Qrenlandiyanın təhlükəsizliyi və maliyyə öhdəlikləri ilə bağlı mövqeyi Danimarka və Avropa İttifaqı ilə ciddi fikir ayrılığına səbəb olub. Trampın Panama kanalı ilə bağlı iddiaları isə Panamanın rəsmi etirazı ilə qarşılanıb.
2025-ci ildə Venesuela, Nigeriya, Meksika və Kolumbiya da ABŞ prezidentinin diqqət mərkəzində olub.
ABŞ-ın Venesuela yaxınlığında hərbi mövcudluğunu gücləndirməsi, Nigeriyanı xüsusi narahatlıq doğuran ölkələr siyahısına daxil etməsi və Meksika ilə sərhəd siyasətində sərt tədbirlər görməsi regional liderlərin və beynəlxalq təşkilatların kəskin reaksiyasına səbəb olub. Ekspertlərin fikrincə, bu siyasət beynəlxalq münasibətlərdə qarşıdurmanı dərinləşdirərək qlobal siyasi gərginliyi artırıb.
Mənbə: TRT haber