Qərbi Azərbaycan Amasiya rayon İcması Qadınlar Şurasının bayram tədbiri keçirilib.
Redaktor.az xəbər verir ki, tədbirdə Qərbi Azərbaycan TV-nin rəhbəri Telli Pənahqızı, Amasiya rayonunun ziyalı xanımları, şəhid anaları, Qərbi Azərbaycanın digər rayonlarını təmsil edən xanımlar iştirak ediblər.
Şəhidlərimizin əziz xatirəsi bir dəqiqəlik sükutla yad edilib. Amasiya rayon İcması Qadınlar Şurasının sədri Teyfə Zilfiqarova çıxış edərək qarşıda duran vəzifələr haqqında məlumat verib. Qərbi Azərbaycan TV-nin rəhbəri Telli Pənahqızı Prezident İlham Əliyevin tövsiyələrini rəhbər tutaraq Qərbi Azərbaycan İcmasında görülən işlər barədə məlumat verib. Amasiya rayon İcmasının sədr müavini Elmar Hüseynov akademik Abel Məhərrəmovun salamlarını və Yeni il təbriklərini tədbir iştirakçılarının diqqətinə çatdırıb. Azərbaycan Dövlət Pedaqoji Universitetinin kafedra müdiri, professor Həcər Hüseynova, şəhid Murad Məmmədovun anası Mürvət Məmmədova, şəhid Orxan Hüseynovun anası Xalidə Hüseynov, o cümlədən Səmayə İsmayılova, Dürrə Vəliyeva, Dilarə Mövlayeva, Zoya Əliyeva, Arzu Abbasova, Təranə Abbasova, Vətəngül Beyazıtoğlu, Sona Hümbətova, Bahar Qasımova, Natavan Mustafayeva və Ülkər Əzizovanın çıxışından sonra tədbir çay süfrəsi arxasında davam edib və “Ağbaba yallısı”nın ifası ilə başa çatıb.
Mənbə: Redaktor.az