Azərbaycan Respublikasının Prezidenti İlham Əliyev İsveçrə Konfederasiyasının Prezidenti Qi Parmölənə başsağlığı məktubu ünvanlayıb.
Məktubda İsveçrənin Kran-Montana şəhərində baş vermiş yanğın nəticəsində çoxsaylı insan tələfatı və yaralananlar barədə dərin hüzn ifadə olunub. Prezident İlham Əliyev faciə nəticəsində həlak olanların ailələrinə və yaxınlarına başsağlığı verib, yaralananlara tezliklə şəfa diləyib.
Dövlət başçısı qeyd edib ki, bu faciəvi hadisə Azərbaycan xalqını da dərindən kədərləndirib və İsveçrə xalqının ağrısını bölüşür.
Başsağlığı məktubunda Azərbaycan tərəfinin İsveçrə xalqı ilə həmrəy olduğu vurğulanıb.
Xəbər verildiyi kimi, Kran-Montana şəhərində baş vermiş yanğın nəticəsində ölən və xəsarət alanlar var.
Mənbə: Report.az