Jane Austen haqqında az bilinən maraqlı faktlar
Xarici mənbələrdə dərc edilən məlumatlara görə, dünya ədəbiyyatının ən tanınmış simalarından biri olan Jane Austen təkcə romantik romanların müəllifi deyil, eyni zamanda dövrünün sosial problemlərini incə satira ilə əks etdirən güclü müşahidəçi olub.
1775-ci ildə İngiltərədə anadan olan Jane Austen cəmi altı roman yazsa da, onun əsərləri bu gün də aktuallığını qoruyur. “Qürur və Qərəz”, “Ağıl və Hiss”, “Emma” kimi əsərlər qadınların cəmiyyətdəki mövqeyi, evlilik anlayışı və sosial siniflər arasındakı münasibətləri tənqidi baxışla təqdim edir. Maraqlı faktlardan biri odur ki, Austen sağlığında məşhur olmayıb və kitabları əsasən anonim şəkildə nəşr edilib.
Araşdırmalara görə, Jane Austen heç vaxt ailə qurmayıb, lakin onun şəxsi məktubları sevgi, münasibətlər və qadın azadlığı mövzularına dərin marağını göstərir. O, gündəlik həyatdakı xırda detallar vasitəsilə oxucuya cəmiyyətin böyük problemlərini çatdırmağı bacarıb.
Ədəbiyyatşünaslar qeyd edirlər ki, Jane Austen-in əsərləri sonralar feminizm və müasir roman janrının formalaşmasına ciddi təsir göstərib. Bu gün onun kitabları onlarla dilə tərcümə olunur və filmlərə, seriallara uyğunlaşdırılır.
Mənbə: Biography.com