İtaliyanın keçmiş baş naziri və Avropa Mərkəzi Bankının sabiq prezidenti Mario Draghi mövcud qlobal siyasi və iqtisadi sistemin artıq funksional olmadığını bildirib. Onun sözlərinə görə, illərdir mövcud olan beynəlxalq əməkdaşlıq modeli faktiki olaraq “çöküb” və Avropa yeni reallıqlara uyğun strategiya formalaşdırmalıdır.
Draghi çıxışında ABŞ və Çin arasında artan geosiyasi rəqabət, ticarət müharibələri və təhlükəsizlik risklərinin Avropanı daha müstəqil qərarlar verməyə məcbur etdiyini vurğulayıb. O, Avropa İttifaqının müdafiə, enerji və iqtisadi sahələrdə daha güclü inteqrasiya yolunu seçməli olduğunu qeyd edib.
Bununla yanaşı, bəzi Avropa liderləri NATO-nun əhəmiyyətini xatırladaraq, təhlükəsizlik sahəsində ABŞ-la əməkdaşlığın hələ də vacib olduğunu bildiriblər. Mütəxəssislər Draghi-nin açıqlamalarını Avropanın gələcək strateji xətti üçün ciddi xəbərdarlıq kimi dəyərləndirirlər.
Mənbə: The Guardian