Bugun.tv xəbər verir ki, Rusiyanın Soçi Milli Parkının elmi əməkdaşı Revaz Pruidze ayıların insanların yaşadığı evlərə və bağ evlərinə daxil olmasının gələn il daha geniş yayıla biləcəyi barədə xəbərdarlıq edib.
“Mail.ru”nun TASS-a istinadən yaydığı məlumata görə, 2026-cı ildə bəzi ayılar həyətlərə girərək alma ağaclarından meyvə yeyib, daha sonra evlərdəki qida məhsullarına da maraq göstəriblər.
Mütəxəssisin sözlərinə görə, bir dəfə evə girərək soyuducudakı yeməkləri və ya dolabdakı şəkəri tapan ayı həmin yeri asan qida mənbəyi kimi yadda saxlaya bilər. Belə olduqda heyvan əvvəlki kimi alma ağaclarına və ya toyuq hinlərinə üz tutmaq əvəzinə, yenidən evlərə girməyə çalışa bilər.
Pruidze ayıların öyrənmək və ətraf mühitə uyğunlaşmaq qabiliyyətinin yüksək olduğunu vurğulayıb. Onun fikrincə, bu il evlərə daxil olmuş və təbiətə qaytarılmış ayılar 2027-ci ildə də eyni davranışı təkrarlaya bilərlər.
Soçi Milli Parkı və “Roza Xutor” kurortu isə ayıların zibil qutularına yaxınlaşmasının qarşısını alan qoruyucu sistemlərin qurulması imkanlarını nəzərdən keçirir.
Mənbə: mail.ru