Abbas Araqçi ABŞ Prezidenti Donald Trump-ın İranın “niyə təslim olmadığı” ilə bağlı səsləndirilən fikirlərinə cavab verib.
İranın xarici işlər naziri sosial media hesabında İran xəritəsinin bayraqla örtüldüyü vizual paylaşaraq belə yazıb:
“Niyə təslim olmadığımızı maraq edirsiniz? Çünki biz iranlıyıq”.
Trampın açıqlamasına reaksiya
ABŞ-ın Yaxın Şərq üzrə xüsusi nümayəndəsi Steve Witkoff Amerika mediasına müsahibəsində bildirib ki, ABŞ-ın bölgədə hərbi mövcudluğunu artırmasına baxmayaraq İran geri addım atmır.
Witkoff qeyd edib ki, Tramp İranın güclü təzyiqlərə və ABŞ-ın bölgədəki hərbi-dəniz qüvvələrinin mövcudluğuna baxmayaraq Vaşinqtona “nüvə silahı istəmirik” məzmunlu açıq öhdəlik təqdim etməməsini sual altına alır.
Onun sözlərinə görə, Tramp “təslim olmaq” ifadəsini işlətmək istəməsə də, İranın niyə hələ də geri çəkilmədiyini maraq edir.
Gərginlik davam edir
Vaşinqton ilə Tehran arasında münasibətlər xüsusilə nüvə proqramı və regional təsir məsələlərinə görə gərgin olaraq qalır. Son açıqlamalar iki ölkə arasında siyasi ritorikanın daha da sərtləşdiyini göstərir.
Mənbə: Ensonhaber