Fransa Prezidenti Emmanuel Macron ölkənin nüvə çəkindirmə strategiyasında mühüm dəyişikliklər planlaşdırıldığını açıqlayıb. Onun sözlərinə görə, yeni təhlükəsizlik mühiti və qlobal geosiyasi dəyişikliklər fonunda Fransanın müdafiə siyasətində bəzi addımların atılması zəruri hesab olunur.
O həmçinin bildirib ki, yeni plan çərçivəsində Fransa nüvə başlıqlarının sayını artırmağı və bəzi müttəfiq ölkələrlə birgə hərbi təlimlər keçirməyi nəzərdə tutur. Bu tədbirlərin məqsədi ölkənin müdafiə qabiliyyətini gücləndirmək və Avropada təhlükəsizlik balansını qorumaqdır. Makron qeyd edib ki, dəyişən beynəlxalq vəziyyət dövlətlərin təhlükəsizlik strategiyalarına yenidən baxmasını tələb edir.
Ekspertlər hesab edirlər ki, bu addım Avropada təhlükəsizlik məsələlərinin daha çox müzakirə olunmasına səbəb ola bilər. Onların fikrincə, Fransa kimi böyük hərbi gücə malik ölkələrin müdafiə strategiyalarında etdiyi dəyişikliklər regiondakı geosiyasi proseslərə də təsir göstərə bilər.
Prezident həmçinin vurğulayıb ki, Fransanın əsas məqsədi hərbi qarşıdurma yaratmaq deyil, əksinə, mümkün təhlükələrə qarşı çəkindirici güc formalaşdırmaqdır. Bu siyasətin Avropanın sabitliyi və təhlükəsizliyi baxımından mühüm rol oynadığı bildirilir.
Mənbə: The Guardian