Bugun.tv xəbər verir ki, Avropa İttifaqında enerji qiymətlərinin kəskin dəyişməsi fonunda yüksək gəlir əldə edən enerji şirkətlərinə əlavə vergi tətbiqi məsələsi müzakirə olunur.
Euronews-un məlumatına görə, Aİ ölkələrinin maliyyə nazirləri Dublində keçirilən görüşdə enerji şirkətlərinin gözlənilməz yüksək gəlirlərinə vergi tətbiq edilməsi imkanını müzakirə edirlər.
Müzakirələr Yaxın Şərqdə davam edən müharibə fonunda neft qiymətlərinin 100 dollardan yuxarı qalması və enerji bazarında dəyişkənliyin artması ilə əlaqədardır.
Euronews bildirir ki, enerji böhranı Aİ ölkələrinə eyni dərəcədə təsir göstərmir. Yanacağın qiymətləri ölkələr arasında ciddi fərqlənir və bu fərqə milli vergi siyasətləri də təsir edir.
Hazırda müzakirə olunan əlavə verginin bütün Aİ ölkələrində tətbiq ediləcəyinə dair yekun qərar yoxdur. Məsələ maliyyə nazirlərinin görüşlərində müzakirə olunan variantlardan biri kimi nəzərdən keçirilir.
Mənbə: Reuters