Rusiya Prezidenti Vladimir Putin Ramazan bayramı münasibətilə təbrik mesajı yayımlayıb.
O, mesajında Rusiyada yaşayan müsəlman icmasına müraciət edərək bildirib:
“Rusiyanın dəyərli müsəlman vətəndaşlarını Ramazan bayramı münasibətilə səmimi-qəlbdən təbrik edirəm”.
Putin qeyd edib ki, müsəlmanların öz tarixi və mənəvi irsinə göstərdiyi hörmət, bayramın həm ailə daxilində, həm də icmalar səviyyəsində böyük coşqu ilə qeyd olunması xüsusi əhəmiyyət daşıyır. Onun sözlərinə görə, müsəlman təşkilatları ailə institutunun möhkəmləndirilməsi və gənc nəslin mənəvi dəyərlərlə yetişdirilməsi istiqamətində mühüm rol oynayır.
Müsəlman hərbçilərə təşəkkür
Rusiya lideri mesajında ölkə ordusunda xidmət edən müsəlman hərbçiləri də xüsusi qeyd edib.
Putin bildirib ki, Rusiyanın azadlığı və müstəqilliyi uğrunda döyüşən, cəsarətlə mübarizə aparan müsəlman əsgərlərə və onların ailələrinə təşəkkür edir.
Mənbə: Ensonhaber