Bugun.tv xəbər verir ki, dəniz canlıları arasında ən maraqlı xüsusiyyətlərdən birinə malik olan Ahtapot üç ürəyə sahibdir.
Mütəxəssislərin məlumatına görə, bu ürəklərdən ikisi qəlsəmələrə qan ötürərək oksigenlə zənginləşməni təmin edir, üçüncü ürək isə oksigenlə zəngin qanı bədənə paylayır. Bu qeyri-adi bioloji quruluş ahtapotların aktiv həyat tərzinə uyğunlaşmasına kömək edir.
Araşdırmalara əsasən, ahtapotların qanı da digər canlılardan fərqlidir. Onların qanında oksigen daşıyan maddə hemoglobin deyil, hemosiyanindir və bu səbəbdən qanları mavi rəngdə olur. Bu xüsusiyyət onlara soyuq və oksigen səviyyəsi aşağı olan sularda yaşamaq imkanı verir.
Maraqlı məqamlardan biri də odur ki, ahtapot üzərkən əsas ürək fəaliyyətini dayandırır. Bu səbəbdən onlar üzmək əvəzinə daha çox sürünərək hərəkət etməyə üstünlük verirlər. Alimlər hesab edir ki, bu xüsusiyyət enerji sərfiyyatını minimuma endirmək məqsədi daşıyır.
Bu faktlar ahtapotların nə qədər mürəkkəb və unikal canlılar olduğunu bir daha sübut edir və onların biologiyası elm dünyasında böyük maraq doğurmaqda davam edir.
Mənbə: New Scientist