ABŞ prezidenti Donald Trump İranla bağlı planlarına dair diqqətçəkən açıqlamalar verib.
Məlumata görə, Tramp Financial Times qəzetinə müsahibəsində əsas məqsədinin İranın neft resurslarına nəzarət etmək olduğunu bildirib. O, açıq şəkildə “İranda ən çox istədiyim şey nefti almaqdır” ifadəsini işlədib.
ABŞ lideri həmçinin İranın əsas neft ixrac mərkəzlərindən biri olan Hark adası ilə bağlı mümkün planlara da toxunub. Onun sözlərinə görə, bu ərazi ABŞ üçün strateji hədəf ola bilər və “bəlkə də adanı ələ keçirə bilərik” variantı masadadır.
Ekspertlər bildirir ki, Hark adası İranın neft ixracının böyük hissəsini təmin edən əsas mərkəzlərdən biridir və bu əraziyə nəzarət ölkənin iqtisadiyyatına ciddi təsir göstərə bilər.
Tramp açıqlamasında İranla dolayı danışıqların davam etdiyini də qeyd edib. O, Pakistan vasitəçiləri üzərindən aparılan danışıqların müsbət irəlilədiyini vurğulayıb.
Müşahidəçilər hesab edir ki, bu cür açıqlamalar Yaxın Şərqdə gərginliyi daha da artırmaqla yanaşı, qlobal enerji bazarlarında da ciddi təsirlər yarada bilər.
Mənbə: Ensonhaber