ABŞ Prezidenti Donald Trumpın 1987-ci ildə etdiyi çıxış Yaxın Şərqdə artan gərginlik fonunda yenidən diqqət mərkəzinə düşüb.
Xarici mediada yayılan məlumatlara görə, həmin dövrdə iş adamı kimi tanınan Tramp televiziya aparıcısı Barbara Walters ilə müsahibəsində İranla bağlı sərt mövqe sərgiləyib. O, ABŞ-ın mümkün hücumlara cavab olaraq İranın neft obyektlərini nəzarətə götürməli olduğunu bildirib.
Tramp çıxışında qeyd edib ki, İran ABŞ-a qarşı addım atarsa, Vaşinqton böyük neft obyektlərindən birini ələ keçirərək itkilərini kompensasiya etməlidir. O, həmçinin mümkün qlobal münaqişənin məhz Yaxın Şərqdən başlaya biləcəyini proqnozlaşdırıb.
Məlumata görə, həmin dövrdə Tramp Ruhollah Khomeini haqqında da diqqətçəkən fikirlər səsləndirib və onu qeyri-adi lider kimi xarakterizə edib.
Hazırda regionda gərginliyin artması və Hürmüz Boğazı ətrafında baş verən hadisələr fonunda bu açıqlamalar yenidən müzakirə olunur. Bildirilir ki, körfəzdəki vəziyyət enerji bazarlarına təsir göstərir və neft qiymətlərində artım müşahidə olunur.
Analitiklər qeyd edir ki, Trampın illər əvvəl səsləndirdiyi bu fikirlər bu gün də ABŞ-ın Yaxın Şərq siyasəti ilə bağlı müzakirələrdə aktual olaraq qalır.
Mənbə: Ensonhaber