ABŞ-ın Northwestern University alimləri gündəlik rejimin pozulmasının orqanizmdə ciddi metabolik dəyişikliklərə səbəb olduğunu müəyyən ediblər.
Araşdırmada bildirilib ki, bioloji saatın pozulması hüceyrələrdə enerji istehsalına cavabdeh olan mitoxondriyaların fəaliyyətini zəiflədir. Xüsusilə qeyri-düzgün işıq rejimi və yüksək yağlı qidalanma bu prosesi daha da sürətləndirir.
Tədqiqat çərçivəsində alimlər siçanlar üzərində eksperiment apararaq, onların işıq dövranını dəyişdiriblər. Nəticədə heyvanların çəkisi dəyişməsə də, hüceyrələrdə kimyəvi balansın pozulduğu müşahidə olunub.
Mütəxəssislər qeyd edir ki, bu dəyişikliklər uzunmüddətli perspektivdə piylənmə və digər metabolik xəstəliklərin yaranmasına şərait yarada bilər. Onların fikrincə, bioloji saatın bərpası gələcəkdə bu tip xəstəliklərin müalicəsində yeni yanaşmaların əsasını təşkil edə bilər.
Alimlər həmçinin vurğulayır ki, düzgün yuxu rejimi və sağlam həyat tərzi bu risklərin qarşısını almaqda mühüm rol oynayır.
Mənbə: mail.ru