Şimali Koreya Şərq dənizi istiqamətinə bir neçə qısa mənzilli ballistik raket buraxıb.
Cənubi Koreya Silahlı Qüvvələrinin Baş Qərargahı bildirib ki, raketlər yerli vaxtla səhər saat 08:50 radələrində Vonsan bölgəsindən buraxılıb və təxminən 240 kilometr məsafə qət edib.
Açıqlamada qeyd olunub ki, Cənubi Koreya ordusu ABŞ ilə birlikdə vəziyyəti yaxından izləyir və istənilən təxribat halına qarşı sərt cavab verməyə hazırdır.
Bildirilir ki, bu sınaqdan əvvəl Şimali Koreyanın həyata keçirdiyi raket buraxılışı uğursuz olub. Son hadisənin vaxtı isə diqqət çəkib. Belə ki, Cənubi Koreya Prezidenti Lee Jae Myungın Pxenyana göndərilən pilotsuz uçuş aparatlarının gərginliyi artırdığına dair açıqlamasından dərhal sonra bu addım atılıb.
Eyni zamanda, Şimali Koreya lideri Kim Jong-unun bacısı Kim Yo Jong Seulu ehtiyatsız hərbi addımlardan çəkinməyə çağırıb.
Mənbə: Ensonhaber