Donald Trump ABŞ-İran danışıqlarının nəticəsiz qalacağı təqdirdə Tehrana qarşı yeni hərbi əməliyyatların mümkün olduğunu bildirib.
ABŞ prezidenti New York Post qəzetinə müsahibəsində qeyd edib ki, Pakistan vasitəçiliyi ilə keçirilən danışıqlar uğursuz olarsa, ABŞ hərbi gəmiləri zərbələr üçün hazır vəziyyətə gətirilir.
Tramp bildirib:
“Yenidən başlamağa hazırıq. Gəmiləri ən yaxşı silahlarla doldururuq. Əgər razılaşma əldə olunmasa, onlardan istifadə edəcəyik və bunu çox effektiv edəcəyik”.
Qərar yaxın saatlarda məlum ola bilər
ABŞ lideri danışıqların taleyinin qısa müddətdə bəlli olacağını vurğulayıb:
“Təxminən 24 saat ərzində hər şey aydın olacaq.”
Gərginlik artmaqda davam edir
Qeyd edək ki, ABŞ ilə İran arasında artan gərginlik fonunda Pakistanın paytaxtı İslamabad şəhərində yüksək səviyyəli danışıqlar keçirilir.
Daha əvvəl də Tramp özünün Truth Social hesabında “Dünyanın ən güclü yenilənməsi” ilə bağlı diqqətçəkən paylaşım etmişdi.
Mənbə: The Guardian