Burj Al Arab oteli əsaslı təmir işləri ilə əlaqədar 18 ay müddətinə fəaliyyətini dayandıracaq.
İlk dəfə genişmiqyaslı yenilənmə
1999-cu ildən fəaliyyət göstərən Dubayın bu məşhur simvolu ilk dəfə belə genişmiqyaslı yenidənqurma prosesinə girir. Məlumata görə, layihə mərhələli şəkildə həyata keçiriləcək.
Otelin sahibi olan Jumeirah Group bildirib ki, təmir işlərinə Parisdə fəaliyyət göstərən tanınmış dizayner Tristan Auer rəhbərlik edəcək.
Qonaqlara alternativ təklif olunacaq
Rəsmi açıqlamada otelin tam bağlanacağı açıq şəkildə qeyd olunmasa da, proses müddətində rezervasiyası olan qonaqlara yaxın ərazilərdə yerləşən digər hotellərdə yerləşdirmə imkanı yaradılacağı bildirilib.
Zədələnmə iddiaları və turizmə təsir
Məlumatlara görə, otel daha əvvəl regiondakı gərginlik fonunda baş verən hadisə nəticəsində xarici hissəsində müəyyən zədələr alıb. Bununla belə, hotel rəhbərliyi təmir qərarının bu hadisə ilə bağlı olmadığını vurğulayıb.
Ekspertlər qeyd edir ki, təmirin vaxtı regionda gərginliyin turizmə mənfi təsir göstərdiyi dövrə təsadüf edir. Uçuşların azalması və turist sayının düşməsi lüks otel sektorunda gəlirlərin azalmasına səbəb olub.
Mənbə: Ensonhaber