ABŞ Prezidenti Donald Tramp İran ilə bağlı açıqlamalarında maraqlı iddialar səsləndirib.
Tramp bildirib ki, ABŞ İranla qarşıdurmanı “açıq fərqlə qazandığını” düşünür və tətbiq edilən iqtisadi blokada Tehrana ciddi zərbə vurub. Onun sözlərinə görə, İran gündə təxminən 500 milyon dollar itirir.
ABŞ lideri həmçinin iddia edib ki, blokada nəticəsində İran neft tələbatını ödəmək üçün marşrutunu ABŞ-a yönəldib və yüzlərlə gəmi xüsusilə Texas, Luiziana və Alyaska istiqamətinə göndərilib. Tramp bu vəziyyətə görə İrana təşəkkür edib.
O, eyni zamanda The New York Times, The Wall Street Journal və The Washington Post kimi media qurumlarını “saxta xəbər yaymaqda” ittiham edib.
Trampın açıqlamaları ABŞ-İran münasibətlərində gərginliyin davam etdiyi bir vaxtda səslənib və beynəlxalq ictimaiyyətdə geniş müzakirələrə səbəb olub.
Mənbə: TGRT Haber