Bugun.tv xəbər verir ki, Baltik regionunda artan təhlükəsizlik gərginliyi Avropa İttifaqı və NATO ölkələrini yeni addımlar atmağa vadar edib.
“The Guardian” və “Euronews”un yaydığı məlumatlara görə, Litva və digər Baltik ölkələri yaxınlığında pilotsuz uçuş aparatları ilə bağlı insidentlərdən sonra Avropa Komissiyasının sədri Ursula fon der Lyayen Rusiyanın regionu “destabilləşdirməyə çalışdığını” bildirib.
Məlumata əsasən, Avropa ölkələri son hadisələrdən sonra Rusiya səfirlərini Xarici İşlər Nazirliklərinə çağıraraq etiraz notaları təqdim ediblər. NATO isə Şərqi Avropada müdafiə tədbirlərinin gücləndiriləcəyini açıqlayıb.
Bildirilib ki, Almaniya-Niderland korpusunun Latviya və Estoniya istiqamətində təhlükəsizlik missiyalarında daha fəal iştirak etməsi planlaşdırılır.
Analitiklər hesab edirlər ki, son insidentlər Rusiya ilə Qərb arasında gərginliyin Baltik regionunda yeni təhlükəsizlik mərhələsinə keçdiyini göstərir. Avropa ölkələri isə mümkün risklərə qarşı koordinasiyanı artırmağa çalışır.
Mənbə: The Guardian