Bugun.tv xəbər verir ki, Məkkədə güclü ildırım şəhərin məşhur Kral Saat Qülləsinin ən üst hissəsinə düşüb. Hadisənin baş verdiyi an dramatik görüntülərlə qeydə alınıb və “Al Jazeera” tərəfindən yayımlanıb.
27 avqust tarixli görüntülərdə güclü ildırımın qüllənin yuxarı hissəsinə dəqiq zərbə vurduğu görünür. Hadisə bölgədə qeyri-sabit hava şəraitinin və intensiv ildırım aktivliyinin müşahidə olunduğu vaxt baş verib.
Məkkənin simvollarından biri sayılan Kral Saat Qülləsi Məscidül-Həram kompleksinin yaxınlığında yerləşir və şəhərin ən çox tanınan tikililərindəndir.
Yayılan məlumatda ildırımın qülləyə düşməsi nəticəsində ölən və ya yaralananların olduğu barədə məlumat verilmir. Həmçinin tikiliyə ciddi ziyan dəyməsi ilə bağlı da hər hansı açıqlama yoxdur.
Hadisə sosial şəbəkələrdə də yayımlanıb.
Məkkədə hava şəraitinin dəyişkən olduğu, bəzi ərazilərdə güclü yağış və ildırımın müşahidə edildiyi bildirilir. Belə hava şəraitində şəhərdə yaşayanlara və ziyarətçilərə ehtiyatlı olmaq tövsiyə olunur.
Hadisənin görüntüləri ildırımın böyük şəhərlərin yüksək tikililərinə yaratdığı təhlükəni də bir daha nümayiş etdirib.
Mənbə: Al Jazeera