Bugun.tv xəbər verir ki, Polşa sürətlə genişləndirdiyi ordusunun ehtiyaclarını qarşılamaq üçün yerli müdafiə sənayesinin imkanlarını artırmağa başlayıb.
Reuters-in xüsusi materialına görə, Varşava hərbi gücünü artırmaqla yanaşı, xarici ölkələrdən silah və hərbi texnika tədarükündən asılılığı azaltmağa çalışır. Polşa son illərdə müdafiə xərclərini əhəmiyyətli dərəcədə artıraraq Avropanın ən güclü ordularından birini formalaşdırmaq siyasəti yürüdür.
Bu çərçivədə tanklar, hərbi gəmilər və digər texnikanın ölkə daxilində istehsalının genişləndirilməsi nəzərdə tutulur. Varşava bunun həm ordunun döyüş qabiliyyətini gücləndirəcəyini, həm də müdafiə sənayesinin inkişafına təkan verəcəyini hesab edir.
Polşanın hərbi hazırlıq və yerli istehsala üstünlük verməsi Rusiyanın Ukraynaya qarşı müharibəsi fonunda Avropada müdafiə imkanlarının gücləndirilməsi səylərinin bir hissəsi kimi qiymətləndirilir.
Mənbə: Reuters