Bugun.tv xəbər verir ki, Çin yeni nəsil GJ-11 “Xuanlong” pilotsuz döyüş təyyarəsinin indiyədək ən ətraflı görüntülərini nümayiş etdirib. Yeni videoda aparatın xarici quruluşu, daxili silah bölməsi və radarlar tərəfindən aşkarlanma ehtimalını azaltmağa yönəlmiş texniki xüsusiyyətləri əks olunub.
“Hi-Tech Mail” nəşrinin “South China Morning Post”a istinadən yaydığı məlumata görə, görüntülər noyabrın 9-da Çinin dövlət televiziyası CCTV tərəfindən yayımlanıb. Material Çin Xalq Azadlıq Ordusunun Hərbi Hava Qüvvələrinin yaranmasının 77-ci ildönümü ərəfəsində təqdim edilib.
GJ-11 quyruq hissəsi olmayan, “uçan qanad” quruluşlu pilotsuz döyüş aparatıdır. Onun silahları xarici asqılarda deyil, gövdənin daxilində yerləşdirilir. Bu quruluş radar əks-sədasının azalmasına kömək edir. Aparatın arxa mühərrik çıxışı və xüsusi örtüyü də onun radar görünürlüğünü azaltmaq məqsədi daşıyır.
CCTV-nin məlumatına əsasən, GJ-11 ilk real döyüş atışı sınağında hədəfi vurmağa nail olub. Təyyarənin idarə olunmasında iştirak edən iki qadın operatorun hədəfə uğurlu zərbə endirdiyi bildirilir. Aparatın təxmini uçuş məsafəsi 4 min kilometr qiymətləndirilir.
Mənbə: Hi-Tech