Bugun.tv xəbər verir ki, ABŞ Federal Təhqiqat Bürosu (FBI) “Binance” kriptovalyuta birjasından oğurlandığı bildirilən 1,2 milyard dollardan çox rəqəmsal aktivin müsadirəsi və ya dondurulması üçün məhkəmə qərarları əldə edib. Bu barədə “Associated Press” agentliyi məlumat yayıb.
ABŞ rəsmilərinin açıqlamasına görə, söhbət ümumi dəyəri təxminən 6,3 milyard dollar olan kriptovalyuta oğurluğundan gedir. Hadisə Şimali Koreya ilə əlaqələndirilən “TraderTraitor” adlı haker qrupu ilə bağlı araşdırılır.
ABŞ Ədliyyə Nazirliyi bildirib ki, dövlət qurumları və özəl sektor tərəfdaşlarının birgə fəaliyyəti nəticəsində indiyədək 2,7 milyard dollardan çox vəsaitin hərəkəti məhdudlaşdırılıb. Bunun 1,2 milyard dollardan artıq hissəsi üzrə müsadirə və ya dondurulma tədbirləri üçün məhkəmə icazəsi alınıb.
Rəsmilərin sözlərinə görə, oğurlanmış rəqəmsal aktivlərin izinin müəyyənləşdirilməsi və onların geri qaytarılması istiqamətində iş davam edir. Məhkəmə prosedurları başa çatdıqdan sonra aktivlərin kimə məxsus olduğu barədə yekun qərar veriləcək.
ABŞ tərəfi Şimali Koreya ilə əlaqələndirilən kriptovalyuta oğurluqlarının ölkənin maliyyə və təhlükəsizlik maraqlarına təhdid yaratdığını bildirir.
Mənbə: ApNews