Azərbaycan İdman Jurnalistləri Assosiasiyası (AİJA) 2022-cı ilin idman laureatlarının adlarını açıqlayıb.
Bu barədə Bugun.tv-yə “Qarabağ” klubunun mətbuat xidmətinin rəhbəri Gündüz Abbaszadə məlumat verib.
O, bildirib ki, Yunan-Roma güləşi üzrə milli komandanın baş məşqçisi Aleksandr Tarakanov, “Qarabağ” futbol klubunun baş məşqçisi Qurban Qurbanov ilin baş məşqçiləri elan ediliblər.
Həmçinin ilin klubu “Qarabağ”, futbolçusu Ramil Şeydayev (“Qarabağ”), gənc futbolçusu Musa Qurbanlı (“Qarabağ”), legioneri Renat Dadaşov (“Qrasshopper”), əcnəbi futbolçusu Kadi Malinovski Borges (“Qarabağ”) seçiliblər.
“Qarabağ”ın direktoru Emrah Çelikel ilin futbol adamı adına layiq görülüb.