27 yanvar tarixində Yuğ teatrında “Toy dəstgahı” tamaşasının növbəti premyerası baş tutacaq. Səhnə əsəri C.Məmmədquluzadənin “Çay dəstgahı” alleqorik pyesi əsasında rejissor Günay Səttarın quruluşunda seyrçilərə təqdim olunacaq. Milli adət-ənənələrin, ritualların vurğulandığı “Toy dəstgahı”nın janrı ambivalent artefaz kimi təyin edilib. Tamaşada aktyorlar Vüqar Hacıyev, Təranə Ocaqverdiyeva, Amid Qasımov, Elşən Əsgərov, Günəş Tegin, Elgün Həmidov və Nigar Mürsəlova çıxış edəcək. 
