Bugun.tv xəbər verir ki, qardaş Türkiyədə baş verən zəlzələ buna hazırlıqsız olan sakinləri çətin vəziyyətdə qoyub. 10 şəhərdə qeydə alınan, 7.7 bal gücündə olan seysmoloji hadisə nəticəsində 4 minə yaxın bina dağılıb, xeyli sayda ölən və yaralananlar var. Bu saatlaradək sakinlərin hər an uçmaq təhlükəsi olan binalardan təxliyyəsi davam edir.
İctimaiyyətə açıqlama verən Türkiyə prezidentinin köməkçisi Fuat Oktay bildirib ki, vətəndaşların çox hissəsi Turizm Nazirliyinin xətti ilə otellərdə yerləşdirilib. Bundan başqa orta məktəblərin, universitetlərin və tələbə yataqxanalarının binalarından da müvəqqəti olaraq, təxliyə məqsədi ilə istifadə olunur.
Qeyd edək ki, mövcud vəziyyətlə bağlı Türkiyədə məktəblərin fəaliyyəti fevralın 13-dək dayandırılıb.