“Martın 2-də Rusiyanın Bryansk vilayətində törədilən terror aktı diqqətlə araşdırılacaq. Gələcəkdə belə hadisələrin olmaması üçün zəruri qabaqlayıcı tədbirlər görüləcək”.
Bugun.tv TASS-a istinadən xəbər verir ki, bunu Rusiya prezidentinin mətbuat katibi Dmitri Peskov bildirib.
Rəsmi məlumatlara görə, dünən ukraynalı diversantlar Rusiyanın Bryansk vilayətinin sərhəd bölgəsinə daxil olublar. Hücumda 2 nəfər ölüb, 11 yaşlı uşaq isə yaralanıb.
Rusiya Federal Təhlükəsizlik Xidməti Müdafiə Nazirliyinin qüvvələri ilə birlikdə dövlət sərhədini pozan silahlı ukraynalı millətçiləri məhv etmək üçün tədbirlər gördüyünü bildirib.
Vladimir Putin hadisəni terror aktı kimi qiymətləndirib.